જનીન સંકેત (genetic code) ના મુખ્ય ગુણધર્મો જણાવો.

(N/A) $1$. સર્વવ્યાપી (Universal): જનીન સંકેત સર્વવ્યાપી છે. બૅક્ટરિયાથી લઈને મનુષ્ય સુધીના તમામ સજીવોમાં એક જ પ્રકારનો સંકેત સમાન એમિનો ઍસિડ માટે વપરાય છે. ઉદાહરણ તરીકે,$UUU$ હંમેશા ફિનાઈલ એલેનીન $(Phe)$ માટે સંકેતન કરે છે,જોકે કણાભસૂત્રીય સંકેતો અને કેટલાક પ્રજીવોમાં તેના અપવાદ જોવા મળે છે.
$2$. વિશિષ્ટતા (Specificity): જનીન સંકેત વિશિષ્ટ છે. એક ચોક્કસ સંકેત હંમેશા એક જ ચોક્કસ એમિનો ઍસિડનું સંકેતન કરે છે.
$3$. અવનત (Degeneracy): એક કરતાં વધારે સંકેતો એક જ એમિનો ઍસિડ માટે સંકેતન કરી શકે છે. આ ગુણધર્મને જનીન સંકેતની અવનતતા કહે છે.
$4$. પ્રારંભિક સંકેત (Initiation Codon): ભાષાંતરણની પ્રક્રિયા પ્રારંભિક સંકેતથી શરૂ થાય છે. $AUG$ મિથિયોનીન માટે સંકેતન કરે છે અને તે પ્રારંભિક સંકેત તરીકે પણ કાર્ય કરે છે.
$5$. અર્થહીન (સમાપન) સંકેતો (Non-sense/Termination Codons): $UAA$,$UGA$ અને $UAG$ કોઈ પણ એમિનો ઍસિડનું સંકેતન કરતા નથી. તેઓ પોલિપેપ્ટાઇડ શૃંખલાના સંશ્લેષણની સમાપ્તિ સૂચવે છે,તેથી તેમને સમાપન સંકેતો કહેવામાં આવે છે.
$6$. રેખીય સમાંતરતા (Colinearity): $mRNA$ માં રહેલા સંકેતોનો ક્રમ અને પોલિપેપ્ટાઇડ શૃંખલામાં રહેલા એમિનો ઍસિડનો ક્રમ એકબીજાને રેખીય રીતે સમાંતર હોય છે.