આંતરાલીય સંયોજનો એટલે શું? તેમના ઉદાહરણો અને લાક્ષણિકતાઓ આપો.

(N/A) જ્યારે સંક્રાંતિ ધાતુઓના સ્ફટિક લેટિસમાં અંદરના ભાગમાં નાના પરમાણુઓ જેવા કે $H, C$ કે $N$ ગોઠવાય છે,ત્યારે બનતાં સંયોજનોને આંતરાલીય સંયોજનો કહે છે.
ઉદાહરણ: $TiC, Mn_4N, Fe_3H, VH_{0.56}, TiH_{1.7}$ વગેરે.
આ સંયોજનો સામાન્ય રીતે બિન-તત્ત્વયોગમિતિય હોય છે અને તેઓ આયનીય કે સહસંયોજક હોતાં નથી. તેમના સૂત્રો ધાતુની સામાન્ય ઑક્સિડેશન અવસ્થા દર્શાવતા નથી.
આંતરાલીય સંયોજનોની ભૌતિક અને રાસાયણિક લાક્ષણિકતાઓ:
$(i)$ તેમનાં ગલનબિંદુ ઊંચાં હોય છે,જે તેમની શુદ્ધ ધાતુનાં ગલનબિંદુ કરતાં પણ વધારે હોય છે.
$(ii)$ આ સંયોજનો ખૂબ જ સખત હોય છે. કેટલાક બોરાઈડ સંયોજનો કઠિનતામાં હીરા જેવા હોય છે.
$(iii)$ તેઓ ધાત્વીય વાહકતા જાળવી રાખે છે.
$(iv)$ તેઓ રાસાયણિક રીતે નિષ્ક્રિય હોય છે.