એક સીધો વાહક લોખંડના રજકણો છાંટેલા કાર્ડબોર્ડમાંથી શિરોલંબ પસાર થાય છે. જ્યારે નીચેની દિશામાં નિર્બળ વિદ્યુતપ્રવાહ પસાર કરવામાં આવે અને પછી કાર્ડબોર્ડને હળવેથી ટકોરા મારવામાં આવે ત્યારે લોખંડના રજકણોની ગોઠવણી દર્શાવો. ચુંબકીય ક્ષેત્ર રેખાઓની દિશા દર્શાવવા માટે તીર દોરો.
જો નીચે મુજબના ફેરફારો કરવામાં આવે તો શું થાય?
$(i)$ વિદ્યુતપ્રવાહની તીવ્રતા વધારવામાં આવે?
$(ii)$ એક વાહકની જગ્યાએ સમાન વિદ્યુતપ્રવાહ ધરાવતા અને સમાન દિશામાં વહેતા અનેક સમાંતર વાહકો મૂકવામાં આવે?

(N/A) આકૃતિમાં લોખંડના રજકણો જે રીતે ગોઠવાશે તે ભાત દર્શાવેલ છે. તીર ચુંબકીય ક્ષેત્ર રેખાઓની દિશા દર્શાવે છે,જે નીચે તરફના વિદ્યુતપ્રવાહ માટે ઘડિયાળના કાંટાની દિશામાં (clockwise) હોય છે.
$(i)$ લોખંડના રજકણોની ગોઠવણી બદલાતી નથી,પરંતુ જ્યારે વિદ્યુતપ્રવાહની તીવ્રતા વધારવામાં આવે છે ત્યારે તેઓ વાહકથી વધુ અંતર સુધી ગોઠવાય છે. આનું કારણ એ છે કે વિદ્યુતપ્રવાહની તીવ્રતા વધારવાથી ચુંબકીય ક્ષેત્રની પ્રબળતા વધે છે અને તે વાહકથી વધુ અંતર સુધી અસરકારક બને છે.
$(ii)$ આનાથી કુલ ચુંબકીય ક્ષેત્રની પ્રબળતા વધે છે,તેથી લોખંડના રજકણો વાહકોથી વધુ અંતર સુધી ગોઠવાય છે.