એક સીધો હાઈવે ટાવરના પાયા તરફ જાય છે. ટાવરની ટોચ પર ઉભેલો એક માણસ $30^{\circ}$ ના અવસેધકોણ પર એક કારને જુએ છે,જે સમાન ઝડપે ટાવરના પાયા તરફ આવી રહી છે. છ સેકન્ડ પછી,કારનો અવસેધકોણ $60^{\circ}$ જોવા મળે છે. આ બિંદુથી ટાવરના પાયા સુધી પહોંચવા માટે કાર દ્વારા લેવાયેલ સમય શોધો (સેકન્ડમાં).

જમીન પરના એક બિંદુ $P$ થી $10 \, m$ ઊંચી ઇમારતની ટોચનો ઉત્સેધકોણ $30^{\circ}$ છે. ઇમારતની ટોચ પર એક ધ્વજ ફરકાવવામાં આવ્યો છે અને $P$ થી ધ્વજદંડની ટોચનો ઉત્સેધકોણ $45^{\circ}$ છે. ધ્વજદંડની લંબાઈ અને બિંદુ $P$ થી ઇમારતનું અંતર શોધો. ($\sqrt{3} = 1.732$ લો)

સમુદ્ર-સપાટીથી $75 \, m$ ઊંચા દીવાદાંડી (lighthouse) ની ટોચ પરથી અવલોકન કરતાં બે વહાણોના અવસેધકોણ $30^{\circ}$ અને $45^{\circ}$ માલૂમ પડે છે. જો એક વહાણ બીજા વહાણની બરાબર પાછળ દીવાદાંડીની એક જ બાજુએ હોય,તો બે વહાણો વચ્ચેનું અંતર શોધો.

એક ટાવરના પાયાથી એક જ સીધી રેખામાં આવેલા $4 \,m$ અને $9 \,m$ અંતરે રહેલા બે બિંદુઓથી ટાવરની ટોચના ઉત્સેધકોણ કોટિકોણ છે. સાબિત કરો કે ટાવરની ઊંચાઈ $6 \,m$ છે.

એક ટીવી ટાવર નહેરના એક કાંઠા પર શિરોલંબ ઊભો છે. નહેરના બીજા કાંઠા પરના ટાવરની બરાબર સામેના એક બિંદુથી ટાવરની ટોચનો ઉત્સેધકોણ $60^{\circ}$ છે. આ બિંદુથી ટાવરના તળિયાને જોડતી રેખા પર $20 \, m$ દૂર આવેલા બીજા બિંદુથી ટાવરની ટોચનો ઉત્સેધકોણ $30^{\circ}$ છે (આકૃતિ જુઓ). ટાવરની ઊંચાઈ અને નહેરની પહોળાઈ શોધો.

જમીન પરના એક બિંદુથી,જે ટાવરના પાયાથી $30\, m$ દૂર છે,ટાવરની ટોચનો ઉત્સેધકોણ $30^{\circ}$ છે. ટાવરની ઊંચાઈ શોધો.