ઉભયજીવી (Amphibia) વર્ગના લક્ષણોનું વર્ણન કરો.

(N/A) $\rightarrow$ નામ સૂચવે છે તેમ (Gr.,$Amphi$: બેવડું,$bios$: જીવન),ઉભયજીવીઓ જલીય તેમજ ભૂચર એમ બંને નિવાસસ્થાનોમાં રહી શકે છે.
$\rightarrow$ તેમનામાંના મોટાભાગના સજીવોમાં બે જોડ ઉપાંગો હોય છે.
$\rightarrow$ શરીર શીર્ષ અને ધડમાં વિભાજિત હોય છે. કેટલાકમાં પૂંછડી હાજર હોઈ શકે છે.
$\rightarrow$ તેમની ત્વચા ભીની હોય છે અને તેના પર ભીંગડા હોતા નથી.
$\rightarrow$ આંખો પર પોપચાં હોય છે.
$\rightarrow$ કર્ણપટલ (tympanum) કાનનું પ્રતિનિધિત્વ કરે છે.
$\rightarrow$ પાચનમાર્ગ,મૂત્રજનનમાર્ગ અને પ્રજનનમાર્ગ એક સામાન્ય કોટરમાં ખુલે છે જેને અવસારણી (cloaca) કહે છે,જે બહારની તરફ ખુલે છે.
$\rightarrow$ શ્વસન ઝાલર,ફેફસાં અને ત્વચા દ્વારા થાય છે.
$\rightarrow$ હૃદય ત્રિખંડી હોય છે (બે કર્ણક અને એક ક્ષેપક).
$\rightarrow$ આ શીત રુધિરવાળા (અસમતાપી) પ્રાણીઓ છે.
$\rightarrow$ લિંગ અલગ-અલગ હોય છે,અને ફલન સામાન્ય રીતે બાહ્ય હોય છે. તેઓ અંડપ્રસવી છે અને પરોક્ષ વિકાસ દર્શાવે છે.