દ્વિ-પરિમાણીય સ્થિતિસ્થાપક સંઘાત (elastic collision) વિશે ચર્ચા કરો.

(N/A) આકૃતિમાં દર્શાવ્યા મુજબ,ધારો કે $m_{1}$ દળનો એક દડો $X$-દિશામાં $v_{1i}$ ઝડપથી ગતિ કરી રહ્યો છે અને તે $m_{2}$ દળના સ્થિર દડા સાથે સ્થિતિસ્થાપક સંઘાત અનુભવે છે.
સંઘાત પછી,આ દડાઓ $X$-અક્ષ સાથે $\theta_{1}$ અને $\theta_{2}$ ખૂણે $v_{1f}$ અને $v_{2f}$ વેગથી ગતિ કરે છે.
સંઘાત દરમિયાન વેગમાનનું સંરક્ષણ થાય છે,તેથી સંઘાત પહેલાનું કુલ વેગમાન = સંઘાત પછીનું કુલ વેગમાન.
વેગમાનના $X$-ઘટકો લેતા:
$m_{1} v_{1i} = m_{1} v_{1f} \cos \theta_{1} + m_{2} v_{2f} \cos \theta_{2} \quad \dots (1)$
વેગમાનના $Y$-ઘટકો લેતા:
$0 = m_{1} v_{1f} \sin \theta_{1} - m_{2} v_{2f} \sin \theta_{2} \quad \dots (2)$
સંઘાત સ્થિતિસ્થાપક હોવાથી,ગતિઊર્જાનું સંરક્ષણ થાય છે:
$\frac{1}{2} m_{1} v_{1i}^{2} = \frac{1}{2} m_{1} v_{1f}^{2} + \frac{1}{2} m_{2} v_{2f}^{2} \quad \dots (3)$
અહીં,આપણી પાસે ત્રણ સ્વતંત્ર સમીકરણો $(1)$,$(2)$ અને $(3)$ છે. સામાન્ય રીતે $m_{1}, m_{2}$ અને $v_{1i}$ જાણીતા હોય છે,જ્યારે ચાર ચલ $v_{1f}, v_{2f}, \theta_{1}$ અને $\theta_{2}$ અજ્ઞાત હોય છે. બધા અજ્ઞાત પદો શોધવા માટે,આ ચારમાંથી ઓછામાં ઓછી એક રાશિ જાણીતી હોવી જોઈએ,કારણ કે ત્રણ સમીકરણો ફક્ત ત્રણ અજ્ઞાત રાશિઓ જ નક્કી કરી શકે છે.