હાઇડ્રોજન પરમાણુમાં,ઇલેક્ટ્રોન અને પ્રોટોન વચ્ચેનું અંતર $2.5 \times 10^{-11} \ m$ છે. તેમની વચ્ચેનું વિદ્યુત આકર્ષણ બળ કેટલું હશે?

$(a)$ બે અવાહક વિદ્યુતભારીત તાંબાના ગોળાઓ $A$ અને $B$ ના કેન્દ્રો વચ્ચેનું અંતર $50 \; cm$ છે. જો દરેક પરનો વિદ્યુતભાર $6.5 \times 10^{-7} \; C$ હોય,તો તેમની વચ્ચે લાગતું સ્થિત વિદ્યુત અપાકર્ષણ બળ કેટલું હશે? $A$ અને $B$ ની ત્રિજ્યાઓ તેમના વચ્ચેના અંતરની સરખામણીમાં અવગણ્ય છે.
$(b)$ જો દરેક ગોળા પરનો વિદ્યુતભાર બમણો કરવામાં આવે અને તેમની વચ્ચેનું અંતર અડધું કરવામાં આવે,તો અપાકર્ષણ બળ કેટલું થશે?

ઉગમબિંદુ પર કેન્દ્રિત સમબાજુ ત્રિકોણના ત્રણ શિરોબિંદુઓ પર ત્રણ સમાન વિદ્યુતભારો $+q$ મૂકવામાં આવ્યા છે. તેઓને ઉગમબિંદુ તરફ નિર્દેશિત $F(r) = k r$ મૂલ્યના પુનઃસ્થાપક બળ દ્વારા સંતુલનમાં રાખવામાં આવે છે,જ્યાં $k$ એક અચળાંક છે. ઉગમબિંદુથી ત્રણેય વિદ્યુતભારોનું અંતર કેટલું છે?

બે સમાન ગોળાઓ કે જેના પર સમાન પ્રકારના વિદ્યુતભારો $Q_1$ અને $Q_2$ છે, તેમને $r$ અંતરે રાખતા તેમની વચ્ચે લાગતું અપાકર્ષણ બળ $F$ છે. તેમને એકબીજાના સંપર્કમાં લાવવામાં આવે છે અને ત્યારબાદ તેમના પ્રારંભિક અંતર કરતા અડધા અંતરે રાખવામાં આવે છે. તેમની વચ્ચેનું અપાકર્ષણ બળ પ્રારંભિક મૂલ્ય કરતા $4.5$ ગણું વધે છે. ગોળાઓના પ્રારંભિક વિદ્યુતભારોનો ગુણોત્તર $\frac{Q_1}{Q_2}$ કેટલો હશે?

બે બિંદુવત વિદ્યુતભારો $+8 \mu C$ અને $+12 \mu C$ એકબીજાને $48 \ N$ ના બળથી અપાકર્ષે છે. જ્યારે આ દરેક વિદ્યુતભારને $-10 \mu C$ નો વધારાનો વિદ્યુતભાર આપવામાં આવે (વિદ્યુતભારો વચ્ચેનું અંતર બદલાતું નથી),ત્યારે નવું બળ કેટલું હશે?

$r$ જેટલા અંતરે રહેલા બે પ્રોટોન વચ્ચે લાગતું કુલંબ બળ $F$ હોય, તો $2r$ જેટલા અંતરે રહેલા બે આલ્ફા કણ વચ્ચે લાગતું બળ કેટલું હશે?