થાઇમસ વિશે વિગતવાર લખો.

(N/A) થાઇમસ એ હૃદયની નજીક અને છાતીના હાડકા (સ્ટર્નમ) ની નીચે આવેલું ખંડિત અંગ છે.
જન્મ સમયે થાઇમસનું કદ ઘણું મોટું હોય છે,પરંતુ ઉંમર વધવાની સાથે તેનું કદ ઘટતું જાય છે અને પ્યુબર્ટી (પુખ્તાવસ્થા) સુધી પહોંચતા તે ખૂબ જ નાનું થઈ જાય છે.
અસ્થિમજ્જા અને થાઇમસ બંને $T$-લિમ્ફોસાઇટ્સના વિકાસ અને પરિપક્વતા માટે સૂક્ષ્મ વાતાવરણ પૂરું પાડે છે.
અસ્થિમજ્જાના સ્ટેમ કોષો,જે $T$-લિમ્ફોસાઇટ્સને જન્મ આપે છે,તેઓ સંપૂર્ણ કાર્યક્ષમ બને તે પહેલાં થાઇમસ ગ્રંથિના પેશીઓમાંથી પસાર થવું પડે છે.
થાઇમસમાં તેઓ થાઇમોસાઇટ્સ નામના કોષોમાં વિકસે છે. કેટલાક થાઇમોસાઇટ્સ પરિપક્વ થઈને $T$-કોષોમાં ફેરવાય છે.
આ $T$-કોષો થાઇમસ ગ્રંથિ છોડીને રુધિરાભિસરણ તંત્રમાં પ્રવેશ કરે છે. કેટલાક રુધિરમાં રહે છે અને કેટલાક પેશીય પ્રવાહી,લસિકા ગાંઠો અને બરોળ જેવા અન્ય અંગોમાં સ્થળાંતર કરે છે.