આણ્વિય કક્ષકો બનાવવા માટે પરમાણ્વીય કક્ષકોના રેખીય સંયોજન $(LCAO)$ માટે જરૂરી મહત્વની શરતો લખો.

(N/A) આણ્વિય કક્ષકો બનાવવા માટે પરમાણ્વીય કક્ષકોનું રેખીય સંયોજન $(LCAO)$ ત્યારે જ થાય છે જો નીચેની શરતો સંતોષાય:
$1$. સંયોજાતી પરમાણ્વીય કક્ષકોની ઉર્જા સમાન અથવા લગભગ સમાન હોવી જોઈએ. ઉદાહરણ તરીકે,$1s$ કક્ષક બીજી $1s$ કક્ષક સાથે સંયોજાઈ શકે છે પરંતુ $2s$ કક્ષક સાથે નહીં,કારણ કે $2s$ કક્ષકની ઉર્જા $1s$ કક્ષક કરતા ઘણી વધારે હોય છે.
$2$. સંયોજાતી પરમાણ્વીય કક્ષકોની આણ્વિય અક્ષની આસપાસ સંમિતિ સમાન હોવી જોઈએ. પરંપરાગત રીતે,$z$-અક્ષને આણ્વિય અક્ષ તરીકે લેવામાં આવે છે. સમાન ઉર્જા ધરાવતી પરમાણ્વીય કક્ષકો જો સમાન સંમિતિ ન ધરાવતી હોય તો તે સંયોજાતી નથી. ઉદાહરણ તરીકે,એક પરમાણુની $2p_z$ કક્ષક બીજા પરમાણુની $2p_z$ કક્ષક સાથે સંયોજાઈ શકે છે,પરંતુ તેમની અલગ સંમિતિને કારણે $2p_x$ કે $2p_y$ કક્ષકો સાથે નહીં.
$3$. સંયોજાતી પરમાણ્વીય કક્ષકો મહત્તમ હદ સુધી એકબીજા પર વ્યાપન (overlap) પામવી જોઈએ. વ્યાપન જેટલું વધારે,આણ્વિય કક્ષકના કેન્દ્રો વચ્ચે ઇલેક્ટ્રોન ઘનતા તેટલી જ વધારે હશે.