એક બોલને $10 \ m$ ઊંચાઈ ધરાવતી ઇમારત પરથી $10 \ m/s$ ના વેગથી સમક્ષિતિજ સાથે $30^\circ$ ના ખૂણે ફેંકવામાં આવે છે. જ્યારે બોલ ફરીથી $10 \ m$ ની ઊંચાઈએ પહોંચે ત્યારે તેણે કાપેલું સમક્ષિતિજ અંતર કેટલું હશે ($m$ માં)? $(g = 10 \ m/s^2, \sin 30^\circ = 1/2, \cos 30^\circ = \sqrt{3}/2)$

એક ટ્રેન જે સીધા આડા પાટા પર ગતિ કરી રહી છે,તેની બારીમાંથી એક પથ્થરને મુક્ત કરવામાં આવે છે. પથ્થર જમીન પર કયા માર્ગે અથડાશે?

એક પ્રક્ષિપ્ત પદાર્થને $10\sqrt{2} \ m/s$ ના વેગથી સમક્ષિતિજ સાથે $45^{\circ}$ ના ખૂણે ફેંકવામાં આવે છે. જ્યારે તેની ઝડપ $\sqrt{125} \ m/s$ હોય તેવા બે સમયગાળા વચ્ચેનો સમયનો તફાવત શોધો $(g = 10 \ m/s^2)$. ($s$ માં)

પ્રક્ષિપ્ત ગતિમાં કણના પ્રારંભિક બિંદુ અને તેના ગતિપથના મહત્તમ બિંદુ વચ્ચેનો સરેરાશ વેગ કેટલો છે? (પ્રક્ષિપ્ત ઝડપ = $u$,સમક્ષિતિજ સાથે પ્રક્ષિપ્ત કોણ = $\theta$)

એક દડાને સમક્ષિતિજ મેદાનના $(x_0, y_0) = (0, 0)$ સ્થાન પરથી $v_0$ જેટલી પ્રારંભિક ઝડપથી $+x$-દિશા સાથે $\theta_0$ ખૂણે ફેંકવામાં આવે છે. આ દડાને એક પથ્થર વડે અથડાવવાનો છે,જેને તે જ સમયે $(x_1, y_1) = (L, 0)$ સ્થાન પરથી ફેંકવામાં આવે છે. પથ્થરને $+x$-દિશા સાથે $(180^{\circ} - \theta_1)$ ખૂણે યોગ્ય પ્રારંભિક ઝડપ $v$ થી ફેંકવામાં આવે છે. નિશ્ચિત $v_0$ માટે,જ્યારે $(\theta_0, \theta_1) = (45^{\circ}, 45^{\circ})$ હોય,ત્યારે પથ્થર $T_1$ સમય પછી દડાને અથડાય છે,અને જ્યારે $(\theta_0, \theta_1) = (60^{\circ}, 30^{\circ})$ હોય,ત્યારે તે $T_2$ સમય પછી દડાને અથડાય છે. આ કિસ્સામાં,$(T_1 / T_2)^2$ નું મૂલ્ય. . . . .

પ્રક્ષિપ્ત પદાર્થનો માર્ગ $y = ax - bx^2$ સમીકરણ દ્વારા આપવામાં આવે છે, જ્યાં $a$ અને $b$ અચળાંકો છે, અને $x$ અને $y$ અનુક્રમે પ્રક્ષેપણ બિંદુથી પ્રક્ષિપ્ત પદાર્થનું આડું અને ઊભું અંતર છે. પ્રક્ષિપ્ત પદાર્થ દ્વારા પ્રાપ્ત મહત્તમ ઊંચાઈ અને પ્રક્ષેપણનો ખૂણો અનુક્રમે કેટલા હશે?