$20 \ m$ ની ઊંચાઈએથી એક દડાને મુક્ત કરવામાં આવે છે. જો તે જમીન સાથે અથડામણ દરમિયાન તેની $20\%$ ઊર્જા ગુમાવે છે,તો રેસ્ટિટ્યુશન ગુણાંક (coefficient of restitution) કેટલો હશે?

એક પદાર્થ $10 \ m$ ની ઊંચાઈ પરથી જમીન પર પડે છે અને $2.5 \ m$ ની ઊંચાઈ સુધી ઉછળે છે. સંઘાત પહેલાં તરત જ અને સંઘાત પછી તરત જ પદાર્થના વેગનો ગુણોત્તર શોધો.

$4.2 \times 10^{-2} \text{ kg}$ દળની એક ગોળી $300 \text{ m/s}$ ની ઝડપે ગતિ કરે છે અને તે ગોળીના દળ કરતાં $9$ ગણા દળ ધરાવતા બ્લોકમાં ફસાઈ જાય છે. જો બ્લોક કોઈપણ પ્રકારના ઘર્ષણ વિના ગતિ કરવા માટે મુક્ત હોય, તો આ પ્રક્રિયામાં ઉત્પન્ન થતી ઉષ્મા કેટલી હશે ($\text{ cal}$ માં)?

જેનો રેસ્ટીટ્યૂશન ગુણાંક $e = 0.5$ હોય તેવા એક બોલને અમુક ઊંચાઈએથી છોડવામાં આવે છે. દરેક ઉછળાટ બાદ તેની ગતિ ઉર્જામાં થતો પ્રતિશત વ્યય કેટલો હશે?

એક કણ $h$ ઊંચાઈ પરથી સ્થિર સમક્ષિતિજ સપાટી પર પડે છે અને ઉછળે છે. જો $e$ એ રિસ્ટિટ્યુશનનો ગુણાંક હોય,તો ઉછળવાનું બંધ થાય તે પહેલાં કાપેલું કુલ અંતર કેટલું હશે?

એક લીસો ગોળો સમક્ષિતિજ સપાટી પર $2\hat{i} + 2\hat{j}$ વેગ સદિશ સાથે ગતિ કરે છે અને ત્યારબાદ તે શિરોલંબ દિવાલને અથડાય છે. દિવાલ $\hat{j}$ સદિશને સમાંતર છે અને ગોળા તથા દિવાલ વચ્ચેનો રેસ્ટીટ્યૂશન ગુણાંક $e = 1/2$ છે. દિવાલ સાથે અથડાયા પછી ગોળાનો વેગ સદિશ શું હશે?