ક્ષિતિજ સમાંતર સમતલમાં રહેલા એક લાંબા સીધા તારમાં $50\, A$ નો વિદ્યુતપ્રવાહ ઉત્તરથી દક્ષિણ દિશામાં વહે છે. તારથી $2.5\, m$ પૂર્વ દિશામાં આવેલા બિંદુએ ચુંબકીય ક્ષેત્ર $B$ નું મૂલ્ય અને દિશા શોધો.

બે વર્તુળાકાર ગૂંચળા $P$ અને $Q$ સમાન તારમાંથી બનાવેલા છે,પરંતુ $Q$ ની ત્રિજ્યા $P$ કરતા બમણી છે. તેમની વચ્ચેનો વિદ્યુતસ્થિતિમાનનો તફાવત કેટલો હોવો જોઈએ જેથી તેમના કેન્દ્ર પર ચુંબકીય પ્રેરણ સમાન રહે?

એક ખૂબ લાંબો તાર જેમાંથી $I = 4 \sqrt{2} \, A$ જેટલો વિદ્યુતપ્રવાહ વહે છે, તેને કાટખૂણે વાળવામાં આવે છે. વળાંકના બિંદુથી $d = 20 \, cm$ અંતરે, વળેલા તારને લંબ રેખા પર આવેલા બિંદુ $P$ પર ચુંબકીય ક્ષેત્રનું મૂલ્ય $(|B|)$ કેટલું હશે ($\, \mu T$ માં)? (ધારો કે $\mu_0 = 4 \pi \times 10^{-7} \, H/m$)

એક પ્રવાહ લૂપ $R$ ત્રિજ્યાના બે સમાન અર્ધવર્તુળાકાર ભાગોની બનેલી છે,જેમાંથી એક $x-y$ સમતલમાં અને બીજો $x-z$ સમતલમાં છે. જો લૂપમાં વહેતો પ્રવાહ $i$ હોય,તો તેમના સામાન્ય કેન્દ્ર પર બે અર્ધવર્તુળાકાર ભાગોને કારણે ઉદ્ભવતું પરિણામી ચુંબકીય ક્ષેત્ર કેટલું હશે?

$9$ આંટા ધરાવતી એક કોઈલમાંથી વિદ્યુતપ્રવાહ પસાર થતા તેના કેન્દ્ર પર $B_1$ ચુંબકીય ક્ષેત્ર ઉત્પન્ન થાય છે. હવે આ કોઈલને ફરીથી વાળીને $3$ આંટા કરવામાં આવે છે અને તેમાંથી સમાન વિદ્યુતપ્રવાહ પસાર કરવામાં આવે છે,તો કેન્દ્ર પરનું ચુંબકીય ક્ષેત્ર $B_2$ કેટલું થશે?

$R$ ત્રિજ્યા ધરાવતો પ્રવાહધારિત વર્તુળાકાર લૂપ અને એક લાંબો સીધો પ્રવાહધારિત તાર એક જ સમતલમાં મૂકેલા છે. વર્તુળાકાર લૂપ અને લાંબા સીધા તારમાંથી વહેતો પ્રવાહ અનુક્રમે $I_C$ અને $I_w$ છે. વર્તુળાકાર લૂપના કેન્દ્ર અને તાર વચ્ચેનું લંબ અંતર $d$ છે. જ્યારે અંતર $d$ નું મૂલ્ય કેટલું હોય ત્યારે લૂપના કેન્દ્ર પર ચુંબકીય ક્ષેત્ર શૂન્ય થશે?