એક સમતલ અરીસો $x$-અક્ષ પર મૂકવામાં આવ્યો છે જે ઋણ $y$-અક્ષ તરફ મુખ ધરાવે છે. અરીસો સ્થિર છે. એક બિંદુવત પદાર્થ $3\hat{i} + 4\hat{j}$ ના વેગથી સમતલ અરીસાની સામે ગતિ કરી રહ્યો છે. પદાર્થની સાપેક્ષમાં પ્રતિબિંબનો સાપેક્ષ વેગ શોધો.

$24 \; cm$ કેન્દ્રલંબાઈ ધરાવતા અંતર્ગોળ અરીસાની મુખ્ય અક્ષ પર એક બિંદુવત પદાર્થ અરીસા તરફ ગતિ કરે છે. જ્યારે તે અરીસાથી $60 \; cm$ ના અંતરે હોય,ત્યારે તેનો વેગ $9 \; cm/s$ છે. તે ક્ષણે પ્રતિબિંબનો વેગ કેટલો હશે?

કાર $B$ એ બીજી કાર $A$ ને $40 \, ms^{-1}$ ની સાપેક્ષ ઝડપે ઓવરટેક કરે છે. જ્યારે કાર $B$ એ કાર $A$ થી $1.9 \, m$ દૂર હોય,ત્યારે કાર $A$ માં લગાવેલા $10 \, cm$ કેન્દ્રલંબાઈવાળા અરીસામાં કાર $B$ નું પ્રતિબિંબ કેટલી ઝડપે ગતિ કરતું દેખાશે? ($ms^{-1}$ માં)

એક કારમાં $20\ cm$ કેન્દ્રલંબાઈ ધરાવતો બહિર્ગોળ સાઇડ-વ્યૂ મિરર લગાવેલ છે. પ્રથમ કારની પાછળ $2.8\ m$ અંતરે રહેલી બીજી કાર $15\ m/s$ ની સાપેક્ષ ઝડપે પ્રથમ કારને ઓવરટેક કરી રહી છે. પ્રથમ કારના અરીસામાં દેખાતા બીજી કારના પ્રતિબિંબની ઝડપ કેટલી હશે?

$20 \ m$ વક્રતા ત્રિજ્યા ધરાવતા બહિર્ગોળ અરીસાની મુખ્ય અક્ષ પર ગતિ કરતા પદાર્થનું પ્રતિબિંબ $30 \ s$ માં $25/3 \ m$ થી $50/7 \ m$ સુધી ખસે છે. પદાર્થની ઝડપ $km/hr$ માં શોધો.

એક બિંદુવત પદાર્થ $25 \ cm$ કેન્દ્રલંબાઈ ધરાવતા અંતર્ગોળ અરીસાના ધ્રુવ તરફ તેની અક્ષ પર નીચે દર્શાવ્યા મુજબ સમાન ગતિથી ગતિ કરી રહ્યો છે. પદાર્થની ઝડપ $1 \ ms^{-1}$ છે. $t=0$ સમયે,અરીસાથી પદાર્થનું અંતર $50 \ cm$ છે. $t=0$ અને $t=0.25 \ s$ સમયગાળા વચ્ચે અરીસા દ્વારા રચાતા પ્રતિબિંબનો સરેરાશ વેગ કેટલો હશે?