એક આલ્ફા કણ અને પ્રોટોનને સમાન વિદ્યુતક્ષેત્રમાં સ્થિર સ્થિતિમાંથી પ્રવેગિત કરવામાં આવે છે. પ્રોટોન અને આલ્ફા કણ દ્વારા સમાન સ્થાનાંતર પ્રાપ્ત કરવા માટે લીધેલા સમયનો ગુણોત્તર કેટલો છે?

વિદ્યુત સ્થિતિમાન અવકાશમાં $V = 3x + 4y$ સંબંધ અનુસાર બદલાય છે. $0.1 \, kg$ દળ ધરાવતો એક કણ આ ક્ષેત્રની અસર હેઠળ બિંદુ $(2, 3.2)$ થી સ્થિર સ્થિતિમાંથી ગતિ શરૂ કરે છે. કણ પરનો વિદ્યુતભાર $+1 \, \mu C$ છે. ધારો કે $V$ અને $(x, y)$ એ $S.I.$ એકમોમાં છે. $x$-અક્ષને ઓળંગવા માટે લાગતો સમય .....$s$ છે.

બે સમાન ધન વિદ્યુતભારો $Q$ એકબીજાથી $2a$ અંતરે સ્થિર રાખવામાં આવ્યા છે. $m$ દળ ધરાવતો બીજો બિંદુવત વિદ્યુતભાર $q_0$ બે સ્થિર વિદ્યુતભારોની વચ્ચેના મધ્યબિંદુ પર મૂકવામાં આવ્યો છે. સ્થિર વિદ્યુતભારોને જોડતી રેખા પર નાના સ્થાનાંતર $x$ માટે,વિદ્યુતભાર $q_0$ સરળ આવર્ત ગતિ $(SHM)$ કરે છે. વિદ્યુતભાર $q_0$ ના દોલનનો આવર્તકાળ કેટલો હશે?

જો એક $\alpha$-કણ અને પ્રોટોનને $1 \text{ MV}$ ના વિદ્યુતસ્થિતિમાનના તફાવત દ્વારા સ્થિર સ્થિતિમાંથી પ્રવેગિત કરવામાં આવે,તો તેમની ગતિઊર્જાનો ગુણોત્તર કેટલો થશે?

$3200 \ V/m$ ની તીવ્રતા ધરાવતા વિદ્યુતક્ષેત્રમાં એક ઈલેક્ટ્રોન $4 \times 10^7 \ m/s$ ના વેગ સાથે ક્ષેત્રને લંબ રૂપે દાખલ થાય છે. જો તે $0.10 \ m$ જેટલું સમક્ષિતિજ અંતર કાપે,તો તેના પથમાંથી થતું વિચલન ........ $mm$ છે.

$1.7 \times 10^{-27} \ kg$ દળ અને $1.6 \times 10^{-19} \ C$ વીજભાર ધરાવતા પ્રોટોનને સંતુલિત કરવા માટે જરૂરી વિદ્યુતક્ષેત્રની તીવ્રતા આશરે કેટલી હોય?