ન્યુટ્રોનની શોધ વિશે ટૂંકમાં સમજાવો અને તેને કેવી રીતે દર્શાવી શકાય?

(N/A) $1932$ માં,જેમ્સ ચેડવિકે એ પૂર્વધારણાને ચકાસી કે પરમાણુના ન્યુક્લિયસમાં પ્રોટોન સિવાય તટસ્થ દળ ધરાવતા કણો પણ હોય છે.
ચેડવિકે અવલોકન કર્યું કે જ્યારે બેરિલિયમના ન્યુક્લિયસ પર $\alpha$-કણોનો મારો ચલાવવામાં આવે છે,ત્યારે તટસ્થ વિકિરણોનું ઉત્સર્જન થાય છે.
વધુમાં,તેમણે જોયું કે આ તટસ્થ વિકિરણો હિલિયમ,કાર્બન અને નાઇટ્રોજન જેવા હલકા ન્યુક્લિયસમાંથી પ્રોટોનને બહાર કાઢી શકે છે.
તે સમયે માત્ર ફોટોન (વિદ્યુતચુંબકીય વિકિરણ) જ એકમાત્ર જાણીતું તટસ્થ વિકિરણ હતું.
ઉર્જા અને વેગમાન સંરક્ષણના સિદ્ધાંતોનો ઉપયોગ કરતા જાણવા મળ્યું કે જો આ તટસ્થ વિકિરણ ફોટોન હોત,તો તેની ઉર્જા બેરિલિયમ પર $\alpha$-કણોના મારાથી મળતી ઉર્જા કરતા ઘણી વધારે હોવી જોઈએ.
ચેડવિકે આ સમસ્યાનો સંતોષકારક ઉકેલ એ ધારણા દ્વારા આપ્યો કે આ તટસ્થ વિકિરણ નવા પ્રકારના તટસ્થ કણોનું બનેલું છે,જેને ન્યુટ્રોન કહેવામાં આવે છે.
ઉર્જા અને વેગમાનના સંરક્ષણ પરથી તેમણે નક્કી કર્યું કે નવા કણ (ન્યુટ્રોન) નું દળ પ્રોટોનના દળ જેટલું જ છે.
વર્તમાનમાં,ન્યુટ્રોનનું ચોક્કસ દળ $m_{n} = 1.00866 \ u = 1.6749 \times 10^{-27} \ kg$ છે.
ન્યુટ્રોનની શોધ માટે ચેડવિકને $1935$ માં ભૌતિકવિજ્ઞાનમાં નોબેલ પુરસ્કાર આપવામાં આવ્યો હતો.