ઉષ્મા ધારિતા (Heat Capacity) સમજાવો.

(N/A) કોઈપણ પદાર્થના તાપમાનમાં $1^{\circ}C$ નો વધારો કરવા માટે જરૂરી ઉષ્માના જથ્થાને તે પદાર્થની ઉષ્મા ધારિતા $(C)$ કહેવામાં આવે છે.
$q = C \cdot \Delta T$,જ્યાં $C$ એ ઉષ્મા ધારિતા છે.
જો આપણને ઉષ્મા ધારિતા ખબર હોય,તો તાપમાનમાં થતા વધારાને માપીને આપણે આપેલી ઉષ્માને માપી શકીએ છીએ.
જ્યારે $C$ નું મૂલ્ય મોટું હોય,ત્યારે આપેલી ઉષ્માને કારણે તાપમાનમાં માત્ર થોડો જ વધારો થાય છે. પાણીની ઉષ્મા ધારિતા વધારે હોય છે,એટલે કે તેના તાપમાનમાં વધારો કરવા માટે ઘણી ઉર્જાની જરૂર પડે છે. $C$ એ પદાર્થના જથ્થાના સીધા પ્રમાણમાં હોય છે.
મોલર ઉષ્મા ધારિતા: પદાર્થની મોલર ઉષ્મા ધારિતા $(C_m)$ એટલે એક મોલ પદાર્થ માટેની ઉષ્મા ધારિતા,જે એક મોલ પદાર્થનું તાપમાન એક ડિગ્રી સેલ્સિયસ વધારવા માટે જરૂરી ઉષ્માનો જથ્થો છે.
$C_m = C / n$
વિશિષ્ટ ઉષ્મા ધારિતા: વિશિષ્ટ ઉષ્મા ધારિતા $(c)$ એટલે પદાર્થના એક એકમ દળનું તાપમાન એક ડિગ્રી સેલ્સિયસ વધારવા માટે જરૂરી ઉષ્માનો જથ્થો.
$q = c \times m \times \Delta T = C \Delta T$,જ્યાં $m$ એ પદાર્થનું દળ છે.