બે ખૂબ લાંબા સીધા વાહકો (તાર) એકબીજાને સમાંતર ગોઠવેલા છે. દરેકમાંથી સમાન દિશામાં $I$ જેટલો વિદ્યુતપ્રવાહ વહે છે અને તેમની વચ્ચેનું અંતર $2r$ છે. બિંદુ $P$ પર ચુંબકીય ક્ષેત્રની તીવ્રતા (આકૃતિમાં દર્શાવ્યા મુજબ) ($\mu_0=$ મુક્ત અવકાશની પરમિયેબિલિટી) કેટલી હશે?

ક્ષિતિજ સમાંતર સમતલમાં રહેલા એક લાંબા સીધા તારમાં $50 \; A$ નો વિદ્યુતપ્રવાહ ઉત્તરથી દક્ષિણ દિશામાં વહે છે. તારથી $2.5 \; m$ પૂર્વ દિશામાં આવેલા બિંદુએ ચુંબકીય ક્ષેત્ર $B$ નું મૂલ્ય અને દિશા શોધો.

આકૃતિમાં દર્શાવ્યા મુજબના આકારના વાહકમાં વિદ્યુતપ્રવાહ $I$ વહે છે. વળાંકવાળા ભાગની ત્રિજ્યા $r$ છે અને સીધા ભાગોની લંબાઈ ખૂબ મોટી છે. કેન્દ્ર $O$ પર ચુંબકીય ક્ષેત્રનું મૂલ્ય કેટલું હશે?

આકૃતિમાં દર્શાવ્યા મુજબ બે લાંબા,સીધા તાર વિરુદ્ધ દિશામાં $10 \ A$ જેટલો સમાન વિદ્યુતપ્રવાહ વહન કરે છે. તાર વચ્ચેનું અંતર $5.0 \ cm$ છે. તારની વચ્ચેના મધ્યબિંદુ $P$ પર ચુંબકીય ક્ષેત્રનું મૂલ્ય . . . . . . $\mu T$ છે. (આપેલ છે: $\mu_0 = 4\pi \times 10^{-7} \ TmA^{-1}$)

આકૃતિમાં દર્શાવ્યા મુજબ સમાન રીતે ગોઠવાયેલા અનંત સીધા તાર છે,જે દરેકમાંથી $I$ જેટલો વિદ્યુતપ્રવાહ વહે છે. પાસપાસેના તારમાં વિદ્યુતપ્રવાહ વિરુદ્ધ દિશામાં છે. બિંદુ $P$ પરનું કુલ ચુંબકીય ક્ષેત્ર કેટલું હશે?

$16 \, cm$ અને $10 \, cm$ ત્રિજ્યા ધરાવતા બે સમકેન્દ્રીય ગૂંચળા $X$ અને $Y$ એ $N-S$ દિશા ધરાવતા એક જ શિરોલંબ સમતલમાં છે. ગૂંચળા $X$ માં $20$ આંટા છે અને તે $16 \, A$ પ્રવાહ ધરાવે છે. ગૂંચળા $Y$ માં $25$ આંટા છે અને તે $18 \, A$ પ્રવાહ ધરાવે છે. પશ્ચિમ તરફ જોતા અવલોકનકાર માટે ગૂંચળા $X$ માં પ્રવાહ વિષમઘડી દિશામાં અને ગૂંચળા $Y$ માં પ્રવાહ સમઘડી દિશામાં છે. તેમના સામાન્ય કેન્દ્ર પર ચોખ્ખા ચુંબકીય ક્ષેત્રનું મૂલ્ય કેટલું હશે?