$2 \,cm^2$ ક્ષેત્રફળ ધરાવતી એક વર્તુળાકાર કોઈલમાં $1000$ આંટા છે. જો કોઈલમાંથી વહેતો પ્રવાહ $1 \,A$ હોય, તો તેની ચુંબકીય મોમેન્ટ કેટલી થાય ($\,Am^2$ માં)?

$n$ આંટા અને $A$ ક્ષેત્રફળ ધરાવતી અને $I$ વિદ્યુતપ્રવાહ વહેતી વર્તુળાકાર કોઈલના કેન્દ્રથી $r$ જેટલા મોટા અંતરે તેની અક્ષ પરના બિંદુએ ચુંબકીય પ્રેરણનું મૂલ્ય કેટલું થાય?

$n$ આંટા અને $R$ ત્રિજ્યા ધરાવતું એક ગૂંચળું $I$ જેટલો વિદ્યુતપ્રવાહ વહન કરે છે. તેને ઉકેલીને $\frac{R}{3}$ ત્રિજ્યાનું નવું ગૂંચળું બનાવવામાં આવે છે અને તેમાંથી તેટલો જ વિદ્યુતપ્રવાહ પસાર કરવામાં આવે છે. નવા ગૂંચળાની ચુંબકીય મોમેન્ટ અને મૂળ ગૂંચળાની ચુંબકીય મોમેન્ટનો ગુણોત્તર કેટલો થાય?

$m$ દળ અને $q$ વીજભાર ધરાવતા બે કણોને $2R$ લંબાઈના હલકા સખત સળિયાના બે છેડે જોડવામાં આવ્યા છે. આ સળિયાને તેના કેન્દ્રમાંથી પસાર થતી લંબ અક્ષની આસપાસ અચળ કોણીય ઝડપ $\omega$ થી ફેરવવામાં આવે છે. તંત્રની ચુંબકીય મોમેન્ટ અને સળિયાના કેન્દ્રની સાપેક્ષ તેના કોણીય વેગમાનના મૂલ્યોનો ગુણોત્તર કેટલો થાય?

એક જ તારમાંથી વર્તુળાકાર લૂપ અને ચોરસ લૂપ બનાવવામાં આવે છે અને તેમાંથી સમાન વિદ્યુતપ્રવાહ પસાર કરવામાં આવે છે. તેમના ડાયપોલ મોમેન્ટનો ગુણોત્તર શોધો.

$i$ પ્રવાહ ધરાવતા સીધા તારને વર્તુળાકાર લૂપમાં ફેરવવામાં આવે છે. જો $MKS$ એકમમાં તેની સાથે સંકળાયેલ ચુંબકીય મોમેન્ટનું મૂલ્ય $M$ હોય,તો તારની લંબાઈ કેટલી હશે?