એક બ્લોકને સમક્ષિતિજ સાથે $45^\circ$ ના ખૂણે નમેલા સમતલ પર નીચે સરકતા $t$ સમય લાગે છે. જો સપાટીને લીસી (ઘર્ષણરહિત) બનાવવામાં આવે, તો બ્લોકને નીચે સરકતા $t/2$ સમય લાગે છે. બ્લોક અને નમેલા સમતલ વચ્ચેનો ઘર્ષણાંક $\frac{\alpha}{100}$ છે. $\alpha$ નું મૂલ્ય . . . . . . છે.

એક જીવજંતુ અર્ધગોળાકાર સપાટી પર ખૂબ જ ધીમેથી ઉપર ચઢે છે. જીવજંતુ અને સપાટી વચ્ચેનો ઘર્ષણાંક $1/3$ છે. જો અર્ધગોળાકાર સપાટીના કેન્દ્રને જીવજંતુ સાથે જોડતી રેખા શિરોલંબ સાથે $\alpha$ ખૂણો બનાવે,તો જીવજંતુ લપસી ન જાય તે માટે $\alpha$ નું મહત્તમ શક્ય મૂલ્ય કેટલું હશે?

એક પદાર્થ $37^{\circ}$ ના ઢાળવાળા લાંબા ઢળતા સમતલ પર નીચે તરફ ગતિ કરી રહ્યો છે. પદાર્થ અને સમતલ વચ્ચેનો ઘર્ષણાંક $\mu = 0.3x$ મુજબ બદલાય છે,જ્યાં $x$ એ સમતલ પર કાપેલું અંતર છે. પદાર્થની ઝડપ કયા સ્થાને મહત્તમ હશે?

ખરબચડી સપાટી અને બ્લોક વચ્ચેનો ઘર્ષણાંક નક્કી કરવા માટે, સપાટીને $45^{\circ}$ ના ખૂણે નમેલી રાખવામાં આવે છે અને બ્લોકને સ્થિર સ્થિતિમાંથી મુક્ત કરવામાં આવે છે. બ્લોક $d$ અંતર કાપવા માટે $t$ સમય લે છે. ત્યારબાદ ખરબચડી સપાટીને લીસી સપાટી વડે બદલવામાં આવે છે અને સમાન પ્રયોગનું પુનરાવર્તન કરવામાં આવે છે. હવે બ્લોક તેટલું જ અંતર $d$ કાપવા માટે $t/2$ સમય લે છે. તો ઘર્ષણાંક કેટલો હશે?

એક પદાર્થ ખરબચડા ઢળતા સમતલ પર નીચે સરકી રહ્યો છે. પદાર્થ અને સમતલ વચ્ચેનો ઘર્ષણાંક $0.5$ છે. પદાર્થને નીચે સરકાવવા માટે જરૂરી ચોખ્ખું બળ અને પદાર્થ પર લાગતી લંબ પ્રતિક્રિયાનો ગુણોત્તર $1:2$ છે. તો ઢળતા સમતલનો ખૂણો કેટલો હશે ($^{\circ}$ માં)?

એક સમાન લંબચોરસ ઈંટ ખૂબ જ નાના ઢાળવાળા ખરબચડા ઢળતા સમતલ પર પડેલી છે. ઈંટનો કયો અડધો ભાગ સમતલ પર વધુ સંપર્ક બળ લગાડે છે?