$m$ દળ અને $l$ લંબાઈનો એક સળિયો એક છેડેથી સમક્ષિતિજ સપાટી પર મિજાગરા (hinge) વડે જોડેલો છે અને તે શિરોલંબ સ્થિતિમાં છે. જો તેને પડવા દેવામાં આવે,તો તેનો ઉપરનો છેડો જે વેગથી જમીન સાથે અથડાશે તે કેટલો હશે?

$m$ દળ ધરાવતા દ્રઢ પદાર્થનું કોઈ અક્ષને અનુલક્ષીને કોણીય વેગમાન,પદાર્થના રેખીય વેગમાન $(P)$ કરતા $n$ ગણું છે. દ્રઢ પદાર્થની કુલ ગતિઊર્જા કેટલી થાય?

$M$ દળ ધરાવતા બે સમાન પદાર્થોને $L$ લંબાઈના દળરહિત સળિયા વડે જોડવામાં આવ્યા છે. હવે એક પદાર્થ પર $J = MV$ જેટલો આઘાત (impulse) સળિયાની લંબાઈ સાથે $30^{\circ}$ નો ખૂણો બનાવતી દિશામાં આપવામાં આવે છે. આઘાત આપ્યા પછી તરત જ સળિયાનો કોણીય વેગ કેટલો હશે?

$1 \,kg$ દળ ધરાવતા પદાર્થને એક વજનરહિત દોરી વડે લટકાવવામાં આવે છે જે આકૃતિમાં દર્શાવ્યા મુજબ $2 \,kg$ દળ ધરાવતી ગરગડી પરથી પસાર થાય છે. આ દળને જમીનથી $1.6 \,m$ ની ઊંચાઈએથી મુક્ત કરવામાં આવે છે. તે કેટલા વેગ સાથે જમીન સાથે અથડાશે?

$r$ ત્રિજ્યા અને $S$ વિશિષ્ટ ઉષ્મા ધરાવતા એક ધાતુના ગોળાને તેના કેન્દ્રમાંથી પસાર થતી ધરી પર $f$ પરિભ્રમણ પ્રતિ સેકન્ડની ઝડપે ફેરવવામાં આવે છે. તેને અચાનક રોકવામાં આવે છે અને તેની ગતિઊર્જાના $50\%$ ભાગનો ઉપયોગ તેના તાપમાનમાં વધારો કરવા માટે થાય છે. તો ગોળાના તાપમાનમાં થતો વધારો કેટલો હશે?

બંને છેડેથી ખુલ્લા એક પાતળા પોલા નળાકારને સમાન ઝડપ $v$ સાથે બે અલગ અલગ કિસ્સાઓમાં ગતિ કરાવવામાં આવે છે:
$(i)$ તે ફર્યા વગર સરકે છે.
$(ii)$ તે સરક્યા વગર ગબડે છે.
બંને કિસ્સાઓમાં ગતિઊર્જાનો ગુણોત્તર શોધો.