$m = 2 \ kg$ દળ અને $q = 1 \ \mu C$ વીજભાર ધરાવતો એક વીજભારિત કણ સમક્ષિતિજ જમીન પરથી $\theta = 45^{\circ}$ ના ખૂણે $u = 10 \ ms^{-1}$ ની ઝડપે ફેંકવામાં આવે છે. અવકાશમાં,પ્રક્ષિપ્ત દિશામાં $E = 2 \times 10^7 \ NC^{-1}$ નું સમક્ષિતિજ વિદ્યુતક્ષેત્ર અસ્તિત્વ ધરાવે છે. પ્રક્ષિપ્ત પદાર્થની અવધિ (Range) ......$m$ છે.

$1\,kg$ દળ ધરાવતા પદાર્થને $50\,m/s$ ના વેગથી સમક્ષિતિજ સાથે $30^{\circ}$ ના ખૂણે ફેંકવામાં આવે છે. તેના પથના મહત્તમ બિંદુએ,ગુરુત્વાકર્ષણ બળ ઉપરાંત $10\,N$ નું બળ પદાર્થ પર $5\,s$ માટે શિરોલંબ ઉપરની દિશામાં લાગે છે. પદાર્થની સમક્ષિતિજ અવધિ (Range) કેટલી હશે? $\left(g=10\,m/s^2\right)$

એક કણ $10 \, cm$ ત્રિજ્યાના વર્તુળાકાર પથ પર $\sqrt{2} \, m/s$ ની અચળ ઝડપથી ગતિ કરે છે. જ્યારે તે વર્તુળાકાર પથનો $\frac{3}{4}$ ભાગ કાપે ત્યારે સરેરાશ વેગનું મૂલ્ય શોધો.

નીચેના દરેક વિધાનને ધ્યાનથી વાંચો અને કારણ સાથે જણાવો કે તે સાચું છે કે ખોટું:
$(a)$ વર્તુળાકાર ગતિમાં રહેલા કણનો કુલ પ્રવેગ હંમેશા વર્તુળની ત્રિજ્યાની દિશામાં કેન્દ્ર તરફ હોય છે.
$(b)$ કોઈ બિંદુએ કણનો વેગ સદિશ હંમેશા તે બિંદુએ કણના પથના સ્પર્શકની દિશામાં હોય છે.
$(c)$ નિયમિત વર્તુળાકાર ગતિમાં રહેલા કણનો એક ચક્ર પર સરેરાશ પ્રવેગ સદિશ શૂન્ય સદિશ હોય છે.

એક પથ્થરને $u$ વેગથી સમક્ષિતિજ સાથે $\theta$ અને $(90^{\circ}-\theta)$ ખૂણે ફેંકવામાં આવે છે,જે અનુક્રમે $H_1$ અને $H_2$ મહત્તમ ઊંચાઈ પ્રાપ્ત કરે છે. તેની સમક્ષિતિજ અવધિ (Range) કેટલી હશે?

એક વ્યક્તિ એવી રીતે ચાલે છે કે તે દરેક ડગલામાં સમાન અંતર કાપે છે. તે વ્યક્તિ પૂર્વ દિશામાં $2$ ડગલાં આગળ ચાલે છે, પછી જમણી તરફ વળીને દક્ષિણ દિશામાં $4$ ડગલાં ચાલે છે, પછી જમણી તરફ વળીને પશ્ચિમ દિશામાં $6$ ડગલાં ચાલે છે અને પછી ફરીથી જમણી તરફ વળીને આગળ ચાલે છે. કુલ $20$ ડગલાં ચાલ્યા પછી તેના પ્રારંભિક સ્થાનની સાપેક્ષમાં તેના અંતિમ સ્થાનની દિશા કઈ હશે?