$2, 3, 5, 7$ અંકોનો ઉપયોગ કરીને પુનરાવર્તન વગર બનતી તમામ $4$-અંકી સંખ્યાઓનો સરવાળો કેટલો થાય?

એક પ્રશ્નપત્રમાં ત્રણ વિભાગો છે,દરેક વિભાગમાં $4$ પ્રશ્નો છે. જો ઉમેદવારે આ પ્રશ્નપત્રમાંથી કુલ $5$ પ્રશ્નોના જવાબ આપવાના હોય અને દરેક વિભાગમાંથી ઓછામાં ઓછો એક પ્રશ્ન પસંદ કરવો ફરજિયાત હોય,તો ઉમેદવાર કેટલી રીતે પ્રશ્નોની પસંદગી કરી શકે?

$0, 1, 2, 3, 4$ અને $5$ અંકોનો ઉપયોગ કરીને પુનરાવર્તન વગર $3$ વડે વિભાજ્ય હોય તેવી પાંચ અંકની સંખ્યા બનાવવાની છે. આ રીતે કરી શકાય તેવી કુલ રીતોની સંખ્યા કેટલી છે?

$n$ ઈનામો $n$ છોકરાઓ વચ્ચે કેટલી રીતે વહેંચી શકાય કે જેથી કોઈ પણ છોકરાને બધા જ ઈનામો ન મળે?

જો $9$ ભિન્ન વસ્તુઓમાંથી એક સમયે $5$ વસ્તુઓ લઈને બનતા વર્તુળાકાર ક્રમચયોની સંખ્યા $n_1$ હોય અને $8$ ભિન્ન વસ્તુઓમાંથી એક સમયે $4$ વસ્તુઓ લઈને બનતા રેખીય ક્રમચયોની સંખ્યા $n_2$ હોય,તો $\frac{n_1}{n_2}=$

ત્રણ વ્યક્તિઓ $A, B, C$ જેની પાસે અનુક્રમે $6, 7$ અને $8$ એક રૂપિયાના સિક્કા છે,તેઓ સામૂહિક રીતે $₹ 10$ નું દાન કેટલી અલગ અલગ રીતે કરી શકે?