$r$ ત્રિજ્યા અને $m$ દળ ધરાવતી બે તકતીઓ $A$ અને $B$ ને આકૃતિમાં દર્શાવ્યા મુજબ જોડીને એક તંત્ર બનાવવામાં આવે છે. આ તંત્રની,તકતીઓના સમતલને લંબ અને તકતી $A$ ના કેન્દ્રમાંથી પસાર થતી અક્ષને અનુલક્ષીને જડત્વની ચાકમાત્રા કેટલી થશે?

$M$ દળ અને $L$ લંબાઈ ધરાવતા પાતળા સમાન સળિયાની,તેના એક છેડાથી $L/4$ અંતરે આવેલા અને સળિયાની લંબાઈને લંબ અક્ષને અનુલક્ષીને જડત્વની ચાકમાત્રા કેટલી થાય?

$M$ દળ અને $R$ ત્રિજ્યા ધરાવતી એક વર્તુળાકાર પ્લેટની ઘનતા $\rho(r) = \rho_0 r$ મુજબ બદલાય છે,જ્યાં $\rho_0$ અચળાંક છે અને $r$ એ તેના કેન્દ્રથી અંતર છે. પ્લેટને લંબ અને તેની ધારમાંથી પસાર થતી અક્ષને અનુલક્ષીને પ્લેટની જડત્વની ચાકમાત્રા $I = aMR^2$ છે. સહગુણક $a$ નું મૂલ્ય શોધો.

$M$ દળ અને $l$ લંબાઈ ધરાવતા ચાર સમાન પાતળા સળિયાઓ એક ચોરસ ફ્રેમ બનાવે છે. આ ફ્રેમની ચોરસના કેન્દ્રમાંથી પસાર થતી અને તેના સમતલને લંબ અક્ષને અનુલક્ષીને જડત્વની ચાકમાત્રા કેટલી થાય?

લેમિનાના સમતલમાં બે લંબ અક્ષો $X$ અને $Y$ ની સાપેક્ષે પદાર્થની જડત્વની ચાકમાત્રા અનુક્રમે $20 \text{ kg m}^2$ અને $25 \text{ kg m}^2$ છે. લેમિનાના સમતલને લંબ અને $X$ તથા $Y$ અક્ષોના છેદબિંદુમાંથી પસાર થતી અક્ષની સાપેક્ષે તેની જડત્વની ચાકમાત્રા કેટલી હશે?

એક સમાન વર્તુળાકાર તકતીની તેના વ્યાસને અનુલક્ષીને જડત્વની ચાકમાત્રા $I$ છે. તેના સમતલને લંબ અને તેની ધાર પરના બિંદુમાંથી પસાર થતી અક્ષને અનુલક્ષીને તેની જડત્વની ચાકમાત્રા કેટલી થશે ($I$ માં)?