માપનમાં ચોકસાઈ (Accuracy) અને સચોટતા (Precision) ની સમજૂતી ઉદાહરણ આપીને આપો.

(N/A) ચોકસાઈ એટલે માપેલું મૂલ્ય તે ભૌતિક રાશિના સાચા મૂલ્યની કેટલું નજીક છે તે. સચોટતા એટલે માપન કેટલા વિભેદન (resolution) કે સીમા સુધી કરવામાં આવ્યું છે,જે સાધનના લઘુતમ માપ (least count) પર આધાર રાખે છે.
ઉદાહરણ: ધારો કે એક ડિજિટલ ઘડિયાળ $10:11:12 \text{ AM}$ સમય દર્શાવે છે. આ ઘડિયાળનું લઘુતમ માપ $1 \text{ s}$ છે,તેથી તેની સચોટતા વધુ છે. (નાના લઘુતમ માપવાળા સાધનથી માપેલું માપન વધુ સચોટ હોય છે.)
હવે,સેકન્ડ કાંટા વગરની એક એનાલોગ ઘડિયાળ $10:13 \text{ AM}$ સમય દર્શાવે છે. આ ઘડિયાળનું લઘુતમ માપ $1 \text{ min}$ છે,તેથી તેની સચોટતા ઓછી છે. જો આ એનાલોગ ઘડિયાળ પ્રમાણિત સમય સાથે સંપૂર્ણ રીતે મેળ ખાતી હોય,તો તે ડિજિટલ ઘડિયાળ કરતાં વધુ ચોકસાઈ ધરાવતી હોઈ શકે છે,જો ડિજિટલ ઘડિયાળ થોડી આગળ કે પાછળ ચાલતી હોય.