એક કૃષ્ણ પદાર્થ (black body) $\lambda$ તરંગલંબાઈ પર મહત્તમ ઉર્જાનું ઉત્સર્જન કરે છે અને તેની ઉત્સર્જન શક્તિ $E$ છે. હવે,તે પદાર્થના તાપમાનમાં ફેરફાર થવાને કારણે,તે $\frac{\lambda}{3}$ તરંગલંબાઈ પર મહત્તમ ઉર્જાનું ઉત્સર્જન કરે છે. તે નવા તાપમાને ઉત્સર્જન શક્તિ કેટલી હશે ($E$ માં)?

ટંગસ્ટન ફિલામેન્ટનું કાર્યકારી તાપમાન અને ઉત્સર્જકતા અનુક્રમે $2000 \ K$ અને $0.3$ છે. ફિલામેન્ટની સપાટીનું ક્ષેત્રફળ $A \ cm^2$ છે. જો લેમ્પનો પાવર $25 \ W$ હોય,તો $A$ શોધો. (આપેલ છે: $\sigma = 5.67 \times 10^{-8} \ W/m^2K^4$)

કાળા પદાર્થ દ્વારા $27^{\circ}C$ અને $927^{\circ}C$ તાપમાને ઉત્સર્જિત ઊર્જાનો ગુણોત્તર કેટલો થાય?

જો સૂર્યનું તાપમાન બમણું કરવામાં આવે, તો પૃથ્વી પર પ્રાપ્ત થતી ઉર્જાનો દર કેટલા ગણો વધશે?

સમાન દ્રવ્યના બનેલા $0.2 \ m$ અને $0.8 \ m$ ત્રિજ્યા ધરાવતા બે ગોળાકાર પદાર્થોને સમાન વાતાવરણમાં મૂકવામાં આવ્યા છે. નાના પદાર્થનું તાપમાન $800 \ K$ છે અને મોટા પદાર્થનું તાપમાન $400 \ K$ છે. જો નાના પદાર્થમાંથી ઉત્સર્જિત ઉર્જા $E$ હોય,તો મોટા પદાર્થમાંથી ઉત્સર્જિત ઉર્જા કેટલી હશે? (આસપાસના વાતાવરણની અસર અવગણ્ય છે તેમ ધારો.)

જ્યારે સંપૂર્ણ કાળા પદાર્થનું તાપમાન વધારવામાં આવે છે, ત્યારે $\lambda_m$ નું મૂલ્ય $0.26 \mu m$ થી બદલાઈને $0.13 \mu m$ થાય છે. આ તાપમાનને અનુલક્ષીને તેની ઉત્સર્જન પાવરનો ગુણોત્તર કેટલો હશે?