$R$ ત્રિજ્યા ધરાવતા એક પાતળા ગોલીય કવચની સપાટી પર $Q$ વિદ્યુતભાર સમાન રીતે વિતરિત થયેલ છે. $0 \le r < \infty$ વિસ્તારમાં કવચ દ્વારા ઉત્પન્ન થતા વિદ્યુતક્ષેત્ર $E(r)$ ને નીચેનામાંથી કયો આલેખ સૌથી નજીકથી દર્શાવે છે,જ્યાં $r$ એ કવચના કેન્દ્રથી અંતર છે?

એક સમાન રીતે વિદ્યુતભારિત અનંત સમતલની પૃષ્ઠ વિદ્યુતભાર ઘનતા $\sigma$ છે. તેની નજીક એક સાદું લોલક શિરોલંબ નીચેની તરફ લટકાવેલું છે. ધાતુના ગોળા (bob) પર $q_0$ વિદ્યુતભાર છે. જો દોરી શિરોલંબ દિશા સાથે $\theta$ ખૂણો બનાવતી હોય,તો . . . . . . .

એક લાંબા નળાકાર કદમાં $\rho$ ઘનતા ધરાવતો સમાન રીતે વિતરિત વિદ્યુતભાર છે. નળાકાર કદની ત્રિજ્યા $R$ છે. એક વિદ્યુતભારિત કણ $(q)$ નળાકારની આસપાસ અક્ષથી $r$ અંતરે વર્તુળાકાર માર્ગે ફરે છે. કણની ગતિઊર્જા કેટલી હશે?

$r$ ત્રિજ્યા ધરાવતા એક પોલા ગોળાકાર કવચ પર સમાન વિદ્યુતભાર ઘનતા $\sigma$ છે. તેને $3r$ ધારવાળા સમઘનમાં એવી રીતે રાખવામાં આવે છે કે જેથી સમઘન અને કવચના કેન્દ્રો એકબીજા પર સંપાત થાય. તો સમઘનની એક સપાટીમાંથી બહાર આવતું વિદ્યુત ફ્લક્સ કેટલું હશે? ($\varepsilon_0$ - શૂન્યાવકાશની પરમિટિવિટી)

$R$ ત્રિજ્યા ધરાવતા એક ગોળાનો વિચાર કરો જેમાં વિદ્યુતભાર ઘનતા નીચે મુજબ વિતરિત થયેલ છે:
$\rho(r) = kr$ જ્યારે $r \leq R$
$\rho(r) = 0$ જ્યારે $r > R$
$(a)$ તમામ બિંદુઓ $r$ પર વિદ્યુતક્ષેત્ર શોધો.
$(b)$ ધારો કે ગોળા પરનો કુલ વિદ્યુતભાર $2e$ છે,જ્યાં $e$ એ પ્રાથમિક વિદ્યુતભાર છે. બે પ્રોટોનને ક્યાં મૂકવા જોઈએ જેથી તેમના પર લાગતું બળ શૂન્ય થાય? ધારો કે પ્રોટોન ઉમેરવાથી વિદ્યુતભારનું વિતરણ બદલાતું નથી.

$R$ ત્રિજ્યા ધરાવતા અને $\lambda$ રેખીય વિદ્યુતભાર ઘનતા ધરાવતા અનંત લંબાઈના વિદ્યુતભારિત નળાકારને કારણે તેના અક્ષથી $R/2$ અંતરે વિદ્યુતક્ષેત્ર શોધો.