આકૃતિમાં દર્શાવ્યા મુજબ,$R$ ત્રિજ્યા અને $m$ દળ ધરાવતા ગોળા પર એક આંટાવાળી કોઈલ વીંટાળેલી છે. કોઈલનું સમતલ ઢળતી સપાટીને સમાંતર છે અને ગોળાના વિષુવવૃત્તીય સમતલમાં આવેલું છે. કોઈલમાં વહેતો પ્રવાહ $i$ છે. જો ગોળો સંતુલનમાં હોય,તો ચુંબકીય ક્ષેત્ર $B$ નું મૂલ્ય કેટલું હશે?

$L$ લંબાઈનો અવાહક પદાર્થનો બનેલો એક પાતળો તાર વાળીને વર્તુળાકાર લૂપ બનાવવામાં આવે છે અને તેના પર $q$ જેટલો ધન વીજભાર એવી રીતે આપવામાં આવે છે કે તે લૂપની પરિઘ પર સમાન રીતે વહેંચાયેલ હોય. ત્યારબાદ આ લૂપને તેના કેન્દ્રમાંથી પસાર થતી અક્ષ પર $\omega$ જેટલી કોણીય ઝડપથી ફેરવવામાં આવે છે. જો લૂપના સમતલને સમાંતર દિશામાં $B$ જેટલું સમાન ચુંબકીય ક્ષેત્ર લાગુ પાડવામાં આવે,તો લૂપ પર લાગતા ચુંબકીય ટોર્કનું મૂલ્ય કેટલું હશે?

ચુંબકીય ક્ષેત્રમાં રહેલા વિદ્યુતપ્રવાહ ધારિત ગૂંચળા માટે $(\tau - \theta)$ આલેખ કેવો હોય છે?

$N$ આંટા ધરાવતી એક નાની કોઈલનું અસરકારક ક્ષેત્રફળ $A$ છે અને તેમાંથી $I$ જેટલો વિદ્યુતપ્રવાહ વહે છે. તેને સમક્ષિતિજ ચુંબકીય ક્ષેત્ર $\overrightarrow{B}$ માં એવી રીતે લટકાવવામાં આવે છે કે જેથી તેનું સમતલ $\overrightarrow{B}$ ને લંબ રહે. તેને શિરોલંબ અક્ષની આસપાસ $180^\circ$ જેટલું ફેરવવા માટે કરવું પડતું કાર્ય કેટલું હશે?

$0.3 \; T$ નું સમાન ચુંબકીય ક્ષેત્ર ધન $Z$-દિશામાં સ્થાપિત થયેલ છે. $XY$-સમતલમાં $10 \; cm$ અને $5 \; cm$ બાજુઓ ધરાવતું એક લંબચોરસ લૂપ આકૃતિમાં દર્શાવ્યા મુજબ $I = 12 \; A$ જેટલો વિદ્યુતપ્રવાહ ધરાવે છે. લૂપ પર લાગતું ટોર્ક કેટલું હશે?

$N$ આંટા ધરાવતી એક વર્તુળાકાર કોઈલ $L$ મીટર લંબાઈના તારમાંથી બનાવવામાં આવે છે. જો તેમાંથી $I$ એમ્પીયરનો વિદ્યુતપ્રવાહ પસાર કરવામાં આવે અને તેને $B$ ટેસ્લાના ચુંબકીય ક્ષેત્રમાં મૂકવામાં આવે,તો તેના પર લાગતું મહત્તમ ટોર્ક: