એક તારને $1 \ mm$ ખેંચવા માટે કરવામાં આવતું કાર્ય $2 \ J$ છે. સમાન દ્રવ્યના બીજા તારને,જેની લંબાઈ અડધી અને આડછેદની ત્રિજ્યા બમણી છે,તેને $1 \ mm$ ખેંચવા માટે કેટલું કાર્ય કરવું પડશે ($J$ માં)?

$2 \,m$ લાંબો તાર શિરોલંબ લટકાવેલો છે. જ્યારે તેના નીચેના છેડે $10 \,kg$ દળ લટકાવવામાં આવે છે,ત્યારે તે $10 \,mm$ જેટલો ખેંચાય છે. તારમાં સંગ્રહિત સ્થિતિસ્થાપક સ્થિતિઊર્જા ...... $J$ છે ($g=10 \,m/s^2$ લો).

એક તારને એક છેડેથી લટકાવવામાં આવ્યો છે. બીજા છેડે $20 \ N$ બળ જેટલું વજન લગાડવામાં આવે છે. જો લંબાઈમાં થતો વધારો $1.0 \ mm$ હોય,તો તારની ઊર્જામાં થતો વધારો ....... $J$ હશે.

જો એક તારને $Mg$ વજન વડે ખેંચવામાં આવે અને તેની લંબાઈમાં થતો વધારો $l$ હોય, તો થયેલ કાર્યની ગણતરી કરો.

ઉપરના છેડેથી બાંધેલો એક તાર $F$ બળ લગાડવાથી $l$ જેટલી લંબાઈમાં ખેંચાય છે. તારને ખેંચવા માટે થયેલું કાર્ય કેટલું હશે?

સમાન લંબાઈ અને સમાન દ્રવ્યના બે તાર પર સમાન બળ લગાડીને ખેંચવામાં આવે છે. તેમના વ્યાસનો ગુણોત્તર $1:3$ છે. જ્યારે તેમને ખેંચવામાં આવે ત્યારે આ બે તાર માટે એકમ કદ દીઠ વિકૃતિ ઉર્જાનો ગુણોત્તર (નાના વ્યાસથી મોટા વ્યાસ માટે) કેટલો હશે ($:1$ માં)?